कविता शोध

Loading...
माझ्या या ब्लॉगला भरभरून प्रतिसाद दिल्याबद्दल धन्यवाद. मधला काही काळ मी ब्लॉग्जना पुरेसा वेळ देऊ शकत नव्हतो. पण आता मी पुन्हा तसे न होवू देण्याचा पूर्ण प्रयत्न करणार आहे. जशा जशा कविता वाचनात येतील, काळजाला भिडतील तशा त्या इथेही उमटतील.

आता आजवर टाळलेली अजून एक गोष्ट मी करतोय, स्वत:ला व्यक्त करण्याचा प्रयत्न, माझी मते, माझे लिखाण जे काही आहे जसे आहे तसे तूमच्या समोर मांडण्याचा प्रयत्न करतोय. बघा आवडतंय का ते. :)
मीऽच तो...
http://meechto.blogspot.com/


Wednesday, March 25, 2009

कणा

‘ओळखलत का सर मला?’ पावसात आला कोणी,
कपडे होते कर्दमलेले, केसांवरती पाणी.

क्षणभर बसला नंतर हसला बोलला वरती पाहून,
‘गंगामाई पाहुणी आली, गेली घरट्यात राहुन’.

माहेरवाशिणीसारखी चार भिंतीत नाचली,
मोकळ्या हाती जाईल कशी, बायको मात्र वाचली.

भिंत खचली, चूल विझली, होते नव्हते नेले,
प्रसाद म्हणून पापण्यांवरती पाणी थोडे ठेवले.

कारभारणीला घेउन संगे सर आता लढतो आहे
पडकी भिंत बांधतो आहे, चिखलगाळ काढतो आहे.

खिशाकडे हात जाताच हसत हसत उठला
‘पैसे नकोत सर’, जरा एकटेपणा वाटला.

मोडून पडला संसार तरी मोडला नाही कणा,
पाठीवरती हात ठेउन, तुम्ही फक्‍त लढ म्हणा!


कवी - कुसुमाग्रज

13 comments:

rahul said...

The Best...
Thansk for uploading this!!!!

Mangesh said...

धन्यवाद ! शतशः आभार !!

vinaya said...

nice

amol said...

आधी एकदा वाचली होती
आता पुन्हा वाचली
माझी जी ईच्छा होती
ती तू पूर्ण केलीस

s.suraj said...

I Love You Kusumagraj

Prachi T said...

Atishay sunder ani kadhihi juni n vatnari kavita...

amol said...

dhnyawad mitra asha kavitach sfurti detat

Karna said...

waw this is very nice poeam

Karna said...

marvellous poeam
thanks for uploading this poeam

Harshad karjekar said...

Thanks for uploading this poeam...

RsK said...

Khupach sundar ahe hi kavita..........

Anonymous said...

JUNYA AATVANI JAGYA ZALAYA

Snehal said...

फार आवडते मला हि कविता.पोस्ट केल्याबद्दल धन्यवाद........